92

یوم پاکستان پرپاکستانی عوام کو مبارکباد دیتا ہوں، مودی

بھارتی وزیراعظم نریندر مودی نے یومِ پاکستان پر وزیراعظم عمران خان کو مبارکباد کا پیغام بھیجا ‏ہے۔

ذرائع کے مطابق بھارتی صدر اور وزیراعظم نےحکومت پاکستان کیلئےتہنیتی پیغام بھیجا ہے۔ اپنے ‏تہنیتی پیغام میں نریندر مودی نے کہا کہ یوم پاکستان پرپاکستانی عوام کو مبارکباد دیتا ہوں۔

نریندر مودی نے کہا کہ پاکستان کےعوام کے ساتھ خوشگوار تعلقات چاہتےہیں، اعتماد پرمبنی ‏دہشتگردی اوردشمنی سے پاک ماحول اہم ہے۔

بھارتی وزیر اعظم کا کہنا تھا کہ کورونا چیلنج سےنمٹنے پر آپ کو اور پاکستانی عوام کومکمل ‏حمایت کایقین دلاتا ہوں۔

اس سے قبل صدر مملکت عارف علوی اور وزیراعظم عمران خان نے یوم پاکستان کے موقع پر ایک ‏بار پھر اس عزم کا اعادہ کیا ہے کہ حق خودارادیت کےحصول کیلئے کشمیریوں کی اخلاقی، سیاسی ‏اور سفارتی حمایت جاری رکھیں گے۔

وزیراعظم عمران خان نے یوم پاکستان کے موقع پر اپنے پیغام میں کہا کہ آج کے دن برصغیر کے ‏مسلمانوں نےہندوتوا ذہنیت سے آزادی کیلئے علیحدہ وطن کےقیام کا فیصلہ کیا، ہمیں قائد اعظم ‏کے اتحاد،عقیدے اور نظم وضبط کے اصولوں پر عمل پیراہونےکی ضرورت ہے۔

آئسولیشن پریڈ سے جاری بیان میں وزیراعظم کا کہنا تھا کہ آج کے دن غیر قانونی مقبوضہ جموں ‏کشمیر کے عوام سے بھی اظہاریکجہتی کرتے ہیں، حق خودارادیت کےحصول کیلئے کشمیریوں کی ‏اخلاقی، سیاسی اور سفارتی حمایت جاری رکھیں گے۔

ذریعہ: اے آر وائی نیوز

اس خبر پر اپنی رائے کا اظہار کریں

اپنا تبصرہ بھیجیں