350

کویت : کورونا بحران نے متعدد ریستوران بند کرا دیئے

کویت سٹی : کورونا وائرس نے نہ صرف لوگوں کی صحت بلکہ ان کے روزگار کو بھی شدید دھچکا لگایا ہے، جس میں سرفہرست ریستوران اور دیگر کھانے پینے کے اسٹال شامل ہیں۔

اس حوالے سے کویت سٹی میں ریستوراں یونین کے چیئرمین فہد الاربش کا میڈیا سے گفتگو میں کہنا تھا کہ عالمی وبا نے کویت میں تفریحی سرگرمیوں کوتباہ کردیا ہے۔

فہد الاربش نے کورونا وائرس اور اس کے نتیجے میں کی جانے والی پابندیوں کے باعث ہونے والے نقصانات کی وجہ سے ریستورانوں کی بندش میں غیرمعمولی اضافہ ہورہا ہے۔

الاربش نے اپنے ٹویٹر اکاؤنٹ پر ایک ٹویٹ میں کہا ہے کہ کویت میں تفریح ​​کی سب سے خوبصورت سرگرمی منہدم کردی گئی ہے جس شہر کو کھانوں کا دارالحکومت سمجھا جاتا تھا اور آج اسے دنیا کے سامنے اس صورتحال کا سامنا کرنا پڑرہا ہے۔

موجودہ غیر معمولی صورتحال میں بڑی کاروباری شخصیات جن کی ہوٹلوں کی چین تھیں یا وہ افراد جو بیک وقت کئی ریستورانوں کے مالک تھے اب وہ ہوٹلوں کی صرف دو یا تین شاخوں سے ہی کاروبار سنبھالنے کی کوشش کررہے ہیں۔

اپنی بات جاری رکھتے ہوئے انہوں نے بتایا کہ ایک ریسٹورنٹ کے مالک سے بات چیت کے دوران یہ انکشاف ہوا کہ وہ کئی ریستورانوں کا مالک تھا اور کورونا بحران میں اسے5 ملین دینار سے زیادہ کا نقصان برداشت کرنا پڑا ہے۔

ذرائع: اے آر وائی نیوز اردو

اس خبر پر اپنی رائے کا اظہار کریں

اپنا تبصرہ بھیجیں