232

کویت: ائیر لائنز “کورونا پاسپورٹ” کے لئے سرکاری منظوری کی منتظر

 ائیر لائنز “کورونا پاسپورٹ” کے لئے سرکاری منظوری کی منتظر ہیں۔

کویت بین الاقوامی ہوائی اڈے کے ذرائع کے مطابق ائیر لائنز کورونا پاسپورٹ کے تجربے اور نتائج حاصل کرنے کے لئے سرکاری منظوری کی منتظر ہیں۔

جہاں کچھ خلیجی ایئر لائنز نے انٹرنیشنل ایئر ٹرانسپورٹ ایسوسی ایشن (IATA) کے جاری کردہ ڈیجیٹل کورونا پاسپورٹ کا اطلاق کرنا شروع کردیا ہے وہیں کویت انٹرنیشنل ایئرپورٹ کے ایک سرکاری ذرائع نے انکشاف کیا ہے کہ ہوائی اڈے پر کام کرنے والی کچھ ایئر لائنز کے محکمے آن لائن ایپلی کیشن میں شامل ہونے پر غور کررہے ہیں تاکہ مسافروں کو ممالک کے درمیان اپنی نقل و حرکت میں سہولت دی جا سکے کیونکہ یہ ایپلی کیشن مسافر سے متعلق صحت کی تمام معلومات ڈاؤن لوڈ کرے گی۔

ذرائع نے بتایا کہ اگر ہوائی اڈے پر چلنے والی کچھ ایئر لائنز ڈیجیٹل کورونا پاسپورٹ کی ایپلیکیشن میں شامل ہو گئی تو اس نظام کو مکمل طور پر نافذ کرنے سے قبل نگرانی اور مشاہدے کے مقصد کے تحت کچھ ٹریول لائنوں پر جانچا جائے گا۔

سعودی ایئرلائن نے انکشاف کیا ہے کہ وہ مسافروں کے لئے بغیر کسی لازمی شرط کے اسٹیشنوں کے اپنے نیٹ ورک کے ذریعے الیکٹرانک IATA دستاویز پر عمل درآمد شروع کرے گی۔ یہ دستاویز کل پیر 19 اپریل کو کوالالمپور سے جدہ روٹ پر تجربے کے طور پر شروع کیا جائے گا جبکہ امارات ایئر لائنز نے بھی IATA پاسپورٹ کے تجربات کا اعلان کردیا ہے۔

آئی ٹی آئی اے IATA مسافروں کا الیکٹرانک دستاویز ہے جو ایک سمارٹ ایپلی کیشن ہے جو مسافروں کو ڈیجیٹل پاسپورٹ بنانے ، ٹیسٹ ڈیٹا اور کورونا وائرس کی ویکسین ڈیٹا ڈاؤن لوڈ کرنے اور انہیں محفوظ طریقے سے استعمال کی اجازت دیتا ہے تاکہ یہ یقینی بنایا جاسکے کہ سرکاری طور پر صحت کی تمام ضروریات کو ہر روانگی اور آمد کے مقامات پر پورا کیا جاسکتا ہے۔

ذرائع:القبس ۔ کویت اردو نیوز

اس خبر پر اپنی رائے کا اظہار کریں

اپنا تبصرہ بھیجیں