174

ملینڈا گیٹس کو شادی ختم ہونے کے بعد 100 کھرب روپے ملیں گے

مائیکرو سافٹ کے بانی بل گیٹس اور ان کی اہلیہ ملنڈا گیٹس نے 27 برس بعد علیحدگی کا اعلان کردیا، یہ دنیا کی سب سے مہنگی طلاق ہوگی۔

غیر ملکی خبر رساں ادارے کی رپورٹ کے مطابق ایک سو پینتالیس اعشاریہ چار ارب ڈالر (224 کھرب روپے) کے مالک بل گیٹس اور ان کی اہلیہ کے درمیان اثاثہ جات کی تقسیم کا معاہدہ پہلے سے طے نہ ہونے پر عدالت نے دونوں میں مساوی دولت تقسیم کرنے کا حکم سنا دیا۔

امریکی میڈیا کا کہنا ہے کہ عدالتی فیصلے کے تحت ملنڈا گیٹس کو 100 کھرب روپے ملیں گے۔

میڈیا رپورٹس کے مطابق دنیا کے چوتھے امیر ترین انسان بل گیٹس کی ملکیت میں امریکا کی زرعی زمین کا سب سے بڑا حصہ ہے جب کہ 18 مختلف ریاستوں میں دو لاکھ بیالیس ہزار ایکڑ زمین ہے اور پانچ ریاستوں میں گھر، جہازوں اور کاروں کا بیڑا اور آرٹ کے مجموعے موجود ہیں۔

مائیکرو سافٹ کے بانی کی یہ دولت ان کی اہلیہ ملنڈا گیٹس کے درمیان برابر تقسیم ہوگی، جو 1980میں بل گیٹس سے مل تھیں، اس وقت ملنڈا مائیکرو سافٹ میں ملازمت کرتی تھی۔

امریکی میڈیا کا کہنا ہے کہ بل اور ملنڈا سے تین بچے ہیں اور دونوں میاں بیوی مل کر بل اینڈ ملنڈا گیٹس فاؤنڈیشن چلاتے ہیں۔

خیال رہے کہ اس سے قبل دنیا کے امیر ترین شخص جیف بیزوس اور میکینزی کے درمیان ہونے والی طلاق دنیا کی مہنگی ترین طلاق تھی جس میں میکینزی کو 55 کھرب روپے سے زائد کی رقم ملی تھی۔

Source: ARY News Urdu

اس خبر پر اپنی رائے کا اظہار کریں

اپنا تبصرہ بھیجیں