130

سعودی جیلوں میں موجود 1100 پاکستانیوں کی جلد واپسی ہو گی

وزیر داخلہ شیخ رشید نےکہا ہےکہ وزیراعظم عمران خان کے دورے میں ہونے والے معاہدوں کے بعد سعودی عرب کی جیلوں میں موجو د 1100 قیدیوں کی جلد پاکستان واپسی ہو گی۔

شیخ رشید نے کہا کہ سعودی عرب سنگین جرائم میں قید پاکستانیوں کی واپسی کے لیے بھی تیار ہے۔

ان کا کہنا ہے کہ ایک ارب روپے کی امداد مل جائے تو چھوٹے جرمانوں کی وجہ سے سعودی جیلوں میں موجود سیکڑوں مزید قیدیوں کو بھی رہائی دلا سکتے ہیں لیکن سنگین کیسز کو علیحدہ سے ڈیل کیا جائے گا۔

خیال رہے کہ وزیراعظم عمران خان کے دورہ سعودی عرب کے دوران قیدیوں کی حوالگی سے متعلق معاہدے پر بھی دستخط ہوئے ہیں۔

ذرائع: جیو نیوز اردو

اس خبر پر اپنی رائے کا اظہار کریں

اپنا تبصرہ بھیجیں