63

روس میں سب سے بڑا ہیرا نیلامی کے لیے تیار

روس میں اب تک کا سب سے بڑا سمجھا جانے والا 100.94 قیراط کا ہیرا اس ماہ کے آخر میں جنیوا میں نیلام کیا جائے گا۔

روسی میڈیا کے مطابق الروزا اسپیکٹکل نامی یہ ہیرا 12 مئی کو جب تراشا جائے گا تو اس کی مالیت 13 سے 19 ملین ڈالر کے درمیان ہوگی۔

نیلامی گھر کے شعبہ زیوارت کی ماہر مریم سیسیل کا کہنا ہے کہ یہ خوبصورت ڈی ربگین ہیرا موٹے پتھر سے کاٹا گیا تھا جس کا وزن اصل میں 200 قیراط سے بھی زیادہ تھا۔

انہوں نے مزید بتایا کہ اسے سرگئی ڈیاگلیف کا کھردرا ہیرا کہا جاتا تھا اور اس کی کان کنی سنہ 2016 میں کی گئی تھی۔

مریم سیسیل کے مطابق اس پتھر کو کاٹنے میں ایک سال اور 8 ماہ کا عرصہ لگا جس کے بعد یہ ہیرا اب ایک خوبصورت شکل میں آچکا ہے۔

ذرائع: اے آر واے نیوز اردو

اس خبر پر اپنی رائے کا اظہار کریں

اپنا تبصرہ بھیجیں