143

شہریار منور کے کپڑوں پر مداحوں کی سخت تنقید

فلموں اور ڈراموں میں شاندار اداکاری کا مظاہرہ کرنے والے شہریار منور کا ڈریسنگ سینس مداحوں کو بالکل پسند نہیں آیا جس کے بعد اداکار کو سوشل میڈیا صارفین کی جانب سے سخت ناراضی کا سامنا کرنا پڑا۔

حال ہی میں شہریار منور نجی ٹی وی چینل کی ایک پروگرام میں شریک ہوئے جس میں انہوں نے گرے رنگ کا کرتا اور سفید پاجامہ پہنا۔

پروگرام کی تصاویر سوشل میڈیا پر وائرل ہونے کے بعد مداح کچھ خوش نہیں دکھائی دیے اور اداکار پر طنز کے تیر برسا دیے۔

طہورا نامی صارف نے شہریار کے پاجامے کو لڑکیوں والا پاجامہ قرار دے دیا۔

ایک صارف نے لکھا کہ کپڑے نہیں ہیں اس کے پاس، ایسا کیا ہوگیا اس کے ساتھ۔ 

مدیحہ نامی صارف نے کہا کہ انہوں نے جلدی میں بہن کا ٹراؤزر اور ابو کا کرتا پہن لیا ہے جب کہ ایک صارف نے ہدایت دیتے ہوئے کہا کہ مرد پر ہمیشہ مردوں والا لباس اچھا لگتا ہے۔

ایک صارف نے تو اداکار پر ساتھی اداکارہ مایا علی کے کپڑے پہننے کا شبہ ظاہر کردیا۔

ذرائع: جیو نیوز اردو

اس خبر پر اپنی رائے کا اظہار کریں

اپنا تبصرہ بھیجیں