134

ایشیائی باشندوں‌ کے لیے بری خبر، بحرین نے پابندی عائد کردی

 بحرین کی حکومت نے بھارت بنگلہ دیش سمیت دیگر ایشیائی ممالک کے مسافروں پر فضائی سفری پابندیاں عائد کردیں۔

خبررساں ادارے کی رپورٹ کے مطابق بحرین کی سول ایوی ایشن اتھارٹی نے ہفتے کے روز فضائی پابندیوں سے متعلق نوٹم جاری کیا اور بتایا کہ جن ممالک سے مسافروں کو داخلے کی اجازت ہے انہیں شرائط پر پورا اترنا ہوگا۔

نوٹم میں بتایا گیا ہے کہ 23 مئی بروز اتوار سے مسافروں کو بحرین میں داخلے کی مشروط اجازت ہوگی اور جو مسافر ان ہدایات پر عمل نہیں کرے گا اُسے ایئرپورٹ سے ہی واپس بھیج دیا جائے گا۔

نوٹم کے مطابق بحرین کا سفر کرنے والے مسافروں کو 48 گھنٹے قبل کیو آر کوڈ والا کرونا ٹیسٹ کرانا ہوگا، جس کی رپورٹ ایئرپورٹ پر سسٹم کے ذریعے چیک کی جائے گی۔

رپورٹ کے مطابق جن مسافروں کی کیو آر کوڈ والی رپورٹ منفی ہوگی صرف انہیں ہی داخلے کی اجازت ہوگی۔

دوسری جانب بحرین نے بھارت، پاکستان، بنگلادیش، نیپال، سری لنکا پر عائد ہونے والی سفری پابندیاں برقرار رکھنے کا فیصلہ کیا ہے۔ مذکورہ ممالک سے صرف بحرین کے رہائشی اور جی سی سی کی شہریت رکھنے والے شہریوں کو سفر کی اجازت ہوگی۔

ذرائع: اے آر وائے نیوز اردو

اس خبر پر اپنی رائے کا اظہار کریں

اپنا تبصرہ بھیجیں