147

معذور افراد کی پارکنگ کی جگہ گھیرنے سے روکنے کے لیے سعودی نوجوان کی تخلیقی تدبیر

سعودی عرب میں ایک نوجوان نے ٹکنالوجی کی مدد سے ایک ایسی تدبیر ایجاد کی ہے جس کے ذریعے معذور افراد کی پارکنگ کی جگہ پر دوسرے لوگوں کو گاڑی کھڑی کرنے سے روکا جا سکے گا۔

سعودی نوجوان عبدالعزیز القرشی کے مطابق اس کی تخلیقی تدبیر گاڑی کو پارکنگ میں داخل کرنے کے ساتھ شروع ہوتی ہے۔ اس کے بعد سینسر کی جانب سے اسکینر کو پیغام بھیجا جاتا ہے کہ گاڑی آ رہی ہے۔ اس کے بعد اگر معذور افراد کا خصوصی کوڈ مل گیا تو اسکینر گاڑی کے اگلے حصے کو اسکین کر لیتا ہے۔

القرشی نے مزید بتایا کہ اسکینر آخر میں رکاوٹ کو نیچے ہو جانے کے لیے پیغام بھیجتا ہے تا کہ معذور شخص اس جگہ گاڑی پارک کر سکے۔ اس سلسلے میں صرف معذور افراد کی گاڑی کے اگلے حصے میں کوڈ ہونا چاہیے۔ کوڈ نہ ہونے کی صورت میں رکاوٹ نہیں کھلے گی۔

سعودی نوجوان نے بتایا کہ یہ ایجاد شمسی توانائی کی چارجنگ سے کام کرے گی۔ اس کا مقصد پارکنگ کے حوالے سے خلاف ورزیوں کو روکنا اور معذور افراد کو ان کے لیے مختص پارکنگ کی جگہائیں حاصل کرنے میں آسانی پیدا کرنا ہے۔ نوجوان نے اس ایجاد کے لیے سعودی حکام سے پیٹینٹ کے حصول کے لیے درخواست دے دی ہے۔

عبدالعزیز القرشی جدہ میں کنگ عبدالعزیز یونیورسٹی میں زیر تعلیم ہے۔

ذرائع: العربیۃ اردو نیوز

اس خبر پر اپنی رائے کا اظہار کریں

اپنا تبصرہ بھیجیں