91

کویت: عوام آسٹرازینیکا آکسفورڈ ویکسین کی دوسری خوراک کی منتظر

عوام آسٹرازینیکا آکسفورڈ کی دوسری خوراک کی منتظر، کئی افراد کو پیغام موصول نہیں ہوئے۔

تفصیلات کے مطابق وزارت صحت نے آکسفورڈ ویکسین کی پہلی خوراک حاصل کرنے والوں کو بذریعہ ایس ایم ایس آکسفورڈ کی دوسری خوراک وصول کرنے کی لئے پیغامات ارسال کرنا شروع کردیئے ہیں۔ صحت کے ذرائع نے بتایا کہ ویکسین کی دوسری خوراک حاصل کرنے کے لئے مخصوص ہدف والے گروپس کے افراد کی ویکسی نیشن شیڈول کی جارہی ہے۔ روزنامہ القبس کی رپورٹ کے مطابق کچھ لوگ جن کو ابھی تک وزارت کی طرف سے کوئی ٹیکسٹ میسج نہیں ملا ہے وہ کچھ ماہ قبل پہلی خوراک موصول ہونے پر ان تک پہنچنے والے ویکسی نیشن پلیٹ فارم کا لنک استعمال کرسکتے ہیں جہاں انہیں پتہ چل سکتا ہے کہ دوسری خوراک لینے کی تاریخ اور مقام کیا مقرر کیا گیا ہے۔

ذرائع نے مزید کہا کہ کچھ لوگوں کو ابھی تک دوسری خوراک لینے کی تاریخ معلوم نہیں ہوئی ہے جبکہ دوسروں کو خوراک کی تاریخ ایک ٹیکسٹ میسج کے ذریعے مہینوں قبل مل گئی تھی تاہم عوام وزارت صحت کی جانب سے بھیجے جانے والے کسی لنک یا پیغام کے بغیر

ویکسین حاصل کرنے کے لیے ویکسی نیشن سینٹرز کا رخ نہ کریں۔ ذرائع نے کہا کہ کویت ویکسی نیشن سینٹر میں گزشتہ روز ہونے والے ٹرن آؤٹ سے معاشرے کے طبقات میں صحت سے متعلق آگاہی کی عکاسی ہوتی ہے اور یہ بھی نوٹ کیا گیا ہے کہ حالیہ دنوں میں ویکسی نیشن کے عمل میں صرف 10 سے 15 منٹ ہی لگے رہے ہیں۔

ذرائع: کویت اردو نیوز

اس خبر پر اپنی رائے کا اظہار کریں

اپنا تبصرہ بھیجیں